இன்று பூமியை கடந்து செல்கிறது சிறிய கோள்: இணையத்தில் நேரடியாக காணலாம்

[ ஞாயிற்றுக்கிழமை, 22 யூலை 2012, 09:40.01 மு.ப GMT ]
சூரியனை சுற்றி வரும் சிறிய கோளான 2012- LZI, இன்று மாலை பூமியை கடந்து செல்ல உள்ளது.
விஞ்ஞானிகளே எதிர்பாராத வகையில் இந்த சம்பவம் இன்று நடைபெற உள்ளது.
இச்சிறுகோள் பூமிக்கு அருகில் வருவதை, ஸ்லூ என்ற விஞ்ஞானக் கூடத்தில் உள்ள விண்வெளிப் ஒளிப்படக்கருவி மூலமாக http://events.slooh.com/ இணையத்தளத்தில் நேரடியாக காணலாம்.
இன்று மாலை 4.30 முதல் 7.30 வரை நடைபெறும் இந்த ஒளிபரப்பில் ஸ்லூவின் பேட்ரிக் பவுலுச்சியும், வானவியல் இதழாளர் பாப் பெர்மனும் இச்சிறுகோள் குறித்து உரையாட உள்ளனர்.
இந்தச் சிறுகோள் 620 மீ முதல் 1.4 கி.மீ(2000 – 4500 அடி அகலம்) பரப்பளவு உடையது. ஒரு நகரத்தின் அளவு தான் இக்கோளின் பரப்பளவாக காணப்படுகிறது.
சந்திரன் சுற்றி வரும் தூரத்தை விட 14 மடங்கு அதிகமான தூரத்தை இச்சிறுகோள் சுற்றி வரும் என்பது குறிப்பிடத்தக்கது.